Құпиялық саясаты

ҚҰПИЯЛЫҚ САЯСАТЫ

 

Кіріспе бөлім

«Астана-Моторс« мотор компаниясы» ЖШС, сондай-ақ оның еншілес ұйымдары (бұдан әрі ASTANA-MOTORS немесе біз) сіздің жеке өміріңізге қол сұқпау құқығыңызға асқан құрметпен қарайды және Дербес ақпаратыңызды қорғауға қатысты толық жауапкершілік алып, өзіне міндеттемелер алады. Сіздің Дербес деректеріңіздің қауіпсіздігін қамтамасыз ету мақсатында барлық заңды құрал мен шараны қолданатынымызға кепілдік береміз және оны осы Қауіпсіздік саясатында (бұдан әрі – Саясат) көзделген мақсатта ғана пайдаланатынымызды мәлімдейміз.

Сіз туралы ақпаратты жинау және пайдалану процесі делдалдарды пайдаланбай мүмкіндігінше ашық түрде ұйымдастырылуы керек екеніне сенімдіміз. Осы Саясат (осы Саясатта берілген анықтамаға сай) Дербес деректерді біздің қалай жинайтынымызды, пайдаланатынымызды және беретінімізді түсіндіреді.

Осы Саясат — Bavaria.kz мекенжайындағы Интернет желісінде орналасқан және/немесе қолжетімді Пайдаланушы келісімінің (бұдан әрі — «Келісім»), сондай-ақ сізбен жасасқан басқа шарттардың (соның ішінде өтінімдер, тапсырыс-нарядтар, келісімдер түрінде және тағы сол сияқты) немесе сізбен жасалуы мүмкін шарттардың ажырамас бөлігі екенін есте ұстаған жөн.

Осы сайттың, сондай-ақ ASTANA-MOTORS компаниясының басқа сайттарының қызметтерін пайдалана отырып, сіз Саясатпен келісесіз және Дербес деректерді келесі тәсілдермен өңдеуге: қалауы бойынша автоматтандыру құралдарын пайдаланып немесе мұндай құралдарды пайдаланбай, осы Саясатта белгіленген мақсаттарда жинауға, жазып алуға, жүйелеуге, сақтауға, нақтылауға (жаңартуға, өзгертуге), шығарып алуға, пайдалануға, беруге (таратуға, ұсынуға, қол жеткізуге), иесіздендіруге, блоктауға, өшіруге, жоюға өз еркіңізбен және өз мүддеңізбен жазбаша келісім бересіз. Құпиялық саясатының талаптарымен келіспеген жағдайда сіз ASTANA-MOTORS сайттарын пайдалануды тоқтатуыңыз керек.

 

1. Терминдер мен анықтамалар

Қандай дербес ақпаратты қалай және не үшін – жинайтынымызды, пайдаланатынымызды, сақтайтынымызды оңай түсінуіңіз үшін, сондай-ақ Саясатта қолданылатын кейбір терминдерді түсінуіңіз үшін біз оларды төменде берілген жеке кестеге топтастырдық.

 

Термин/анықтама

Термин/анықтаманың мазмұны

ASTANA-MOTORS/біз/бізге/біздің

«Астана-Моторс«мотор компаниясы» ЖШС, сондай-ақ оның еншілес ұйымдары жеңіл автокөліктер мен коммерциялық техниканы, олардың қосалқы бөлшектерін, бөлшектері мен аксессуарларын сату, сондай-ақ сервистік қызмет көрсету және жөндеу (оның ішінде кепілдік) қызметін жүзеге асырады.

Сіз/сіздің/сізге/Пайдаланушы

Сіз жеке адам болсаңыз да, біздің қызметтерімізді/жұмыстарымызды пайдалансаңыз да және (немесе) тауарларымызды өз атыңыздан және (немесе) үшінші тұлғалардың атынан сатып алсаңыз да, жеке тұлға ретінде саналасыз

Дербес деректер/Дербес ақпарат

Сізге немесе сенімгеріңізге қатысты электрондық, қағаз және (немесе) өзге де материалдық тасымалдағышта тіркелген мәліметтер

Сайт/Сервис

Интернет-сайт http://bavaria.kz/, сондай-ақ оның еншілес ұйымдарының ресми интернет-сайттары, мобильді қолданбалар, ұялы байланыс, бағдарламалық интерфейстер, электрондық пошта және хабарламалар.

 

2. Дербес ақпаратты жинау мақсаты

2.1. Дербес деректер мына мақсатта жиналады және пайдаланылады:

  • Сайтты пайдаланған кезде, сондай-ақ мәміле, өтінім, тапсырыс-наряд жасасу мақсатында Пайдаланушыны сәйкестендіру;
  • Сіздің алдыңыздағы шарттық міндеттемелерімізді орындау;
  • Пайдаланушыға Сайттың ресурстарына (қызметтеріне) кіру рұқсатын беру;
  • Пайдаланушымен кері байланыс орнату, соның ішінде Сайтты пайдалануға, қызмет көрсетуге қатысты телефон соғу, хабарламалар (соның ішінде: SMS, WhatsApp, Telegram және өзгесін қоса алғанда, бірақ онымен шектелместен), сұрату жіберу, сұратуларды және Пайдаланушылардың өтінімдерін өңдеу, ASTANA-MOTORS акциялары мен өзге қызметтері туралы жарнамалық ақпарат жіберу;
  • Қауіпсіздікті қамтамасыз ету, алаяқтықтың алдын алу үшін Пайдаланушының орналасқан жерін анықтау;
  • Пайдаланушының берген дербес деректерінің дұрыстығын және толықтығын растауы;
  • Сайтты пайдалануға байланысты мәселелер туындаған кезде Пайдаланушыға тиімді клиенттік және техникалық қолдау көрсету;
  • Пайдаланушыға ASTANA-MOTORS атынан немесе ASTANA-MOTORS серіктестері атынан қызмет жаңартуларын, арнайы ұсыныстарды, баға туралы ақпаратты, жаңалықтарды және өзге мәліметтерді ұсыну. ASTANA-MOTORS жарнама қызметін, соның ішінде үшінші тұлғаларды тартып жүзеге асыру;
  • Өнімдерді, жаңартуларды және қызметті алу мақсатында Пайдаланушыға сайтқа кіруге немесе ASTANA-MOTORS серіктестерінің сервистерін алуға рұқсат беру;
  • Өткізетін тауарларымыздың, көрсететін қызметіміздің, орындайтын жұмыстарымыздың сапасын жақсарту, жаңа Сервистерді әзірлеу;
  • Иесіздендірілген деректердің негізінде статистикалық және өзге зерттеулер жүргізу;
  • Компанияларымыздың қызметіне және оларды басқаруға талдау жасау, маркетингтік зерттеулер, аудит жүргізу, жаңа өнімдерді әзірлеу, жұмысымызды жетілдіру, тауарларымыз бен қызмет/жұмысымызды жақсарту, пайдалану үрдістерін анықтау, жарнама акциямыздың тиімділігін айқындау сияқты қызметіміздің түрлерін жүзеге асыру, сондай-ақ Пайдаланушылардың ризашылық және оларға қолдау көрсетілу деңгейін бағалау.

 

3. Дербес деректердің тізбесі

3.1. Біз келесі ақпаратты жинаймыз:

  • Сайтқа кірген кезіңізде бағдарламалық қолданба автоматты түрде жинайтын техникалық ақпарат;
  • Тиісті нысанды толтырған кезде өзіңіз берген дербес ақпарат немесе Пайдаланушы әлеуметтік желілерді пайдаланған кезде не болмаса Пайдаланушымен тікелей байланысқан кезде ASTANA-MOTORS алған ақпарат;
  • Өзге ақпаратты сіз өз қалауыңызша ұсынасыз.

3.2. Техникалық ақпарат.

Сіз Сайтқа кірген кезде Сайттың әкімшілігіне сервер тіркеуінің стандартты журналдарының (server logs) ақпараты автоматты түрде қолжетімді болады, атап айтқанда:

  • Компьютеріңіздің (немесе прокси-сервердің, егер интернетке шығуға прокси-сервер пайдаланылса) IP-мекенжайы;
  • Интернет-провайдердің атауы;
  • Доменнің атауы;
  • Браузердің және операциялық жүйенің түрі;
  • Сіз сайтқа көшкен сайт/әлеуметтік желілердегі бет туралы ақпарат;
  • Сіз кіретін Сайттың беттері туралы ақпарат;
  • Сайтқа кірген күн мен уақыт, файлдар.

3.3. Бұл ақпаратты біз Сайтқа кіруге талдау жасау үшін біріктірілген (иесіздендірілген) түрде талдаймыз және оны жақсарту әрі дамыту үшін ұсыныстарды әзірлеген кезде пайдаланамыз. Сіздің IP-мекенжайыңыз бен дербес деректеріңіздің арасындағы байланыс Қазақстан Республикасының қолданыстағы заңнамасы талап еткен жағдайлардан басқа кезде, ешқашан үшінші тұлғаларға жария етілмейді.

3.4. Дербес ақпарат.

Дербес ақпаратқа мыналарды жатқызамыз:

  • Тегі, аты, әкесінің аты (бар болса);
  • Туған күні мен жері;
  • Жынысы;
  • Ұлты;
  • Жеке сәйкестендіру нөмірі;
  • Байланыс деректері: тұрақты тіркелген жерінің мекенжайы, уақытша тіркелген жерінің мекенжайы, байланыс телефондары, электрондық пошта мекенжайы;
  • Жеке басын куәландыратын құжаттың деректері: құжаттың атауы, құжаттың нөмірі, құжаттың берілген күні, құжаттың қолданылу мерзімі, құжатты берген орган;
  • Кредиттік және дебеттік карталарының, сондай-ақ банктік шоттардың нөмірлері және өзге төлем ақпараты;
  • Портрет суреті (фотосурет).

3.5. Шарттарды жасасу мақсатында Пайдаланушы өзі туралы мына дербес деректерді немесе өзі мүддесін білдіретін ұйым және оның өкілдіктері туралы деректерді: аты, әкесінің аты, тегі, лауазымы, телефон нөмірін ұсынуы мүмкін, қосымша ретінде мұндай ұйымның атауы, БСН, банктік шоттың нөмірі, әділет органдарындағы тіркеу нөмірі, тіркеу мекенжайы және пошталық мекенжайы, корпоративтік телефон нөмірі, қызмет көрсететін банктің атауы, оның БСК және корреспонденттік шоты ұсынылуы мүмкін. Ұйым туралы көрсетілген мәліметтер дербес деректерге жатпайды.

3.6. Егер жеке тұлға жеке кәсіпкер ретінде әрекет етсе немесе мұндай жеке кәсіпкердің мүддесінде, қалауымен немесе тікелей жазбаша келісімімен әрекет етсе, сәйкесінше: жеке кәсіпкердің тегі және инициалы, ЖСН, хат алмасу үшін мекенжайы, телефон нөмірі, банктік шотының нөмірі, қызмет көрсететін банктің атауы, оның БСК және корреспонденттік шоты қосымша ұсынылуы мүмкін.

 

4. Тараптардың міндеттемелері

4.1. Пайдаланушының міндеттері:

- мәміле (шарт, өтінім, тапсырыс-наряд және өзге нысанда) жасасу мақсатында қажетті дербес деректер туралы ақпаратты беру;

- берілген ақпарат өзгерген жағдайда дербес деректер туралы берілген ақпаратты қысқа мерзімде (күнтізбелік 10 күннен кешіктірмей) жаңарту, толықтыру. Пайдаланушы дербес деректердің өзгергені туралы хабарламаса немесе уақытылы хабарламаса, ASTANA-MOTORS мұндай хабарламаудан немесе уақытылы хабарламаудан туындаған кез келген жағымсыз салдар үшін жауапкершіліктен босатылады.

4.2. Біздің міндеттеріміз:

- Алған Дербес ақпаратты тек осы Саясатта көрсетілген мақсатта ғана пайдалану;

- Дербес ақпараттың сақталуын қамтамасыз ету, Пайдаланушының алдын ала жазбаша рұқсатынсыз жария етпеу, сондай-ақ Пайдаланушының берілген Дербес деректерін сатпау, айырбастамау, жарияламау немесе өзге ықтимал тәсілдермен жария етпеу. Пайдаланушының Дербес деректері мемлекеттік биліктің уәкілетті органдарына тек заңнамада белгіленген негізде және тәртіппен ғана берілуі мүмкін;

Пайдаланушының Дербес деректерінің құпиялылығын қорғау үшін қолданыстағы іскерлік айналымында мұндай ақпаратты қорғау үшін әдетте пайдаланылатын тәртіпке сай сақтық шараларын қолдану;

Пайдаланушының өзі өтініш білдірген, сұрату жіберген немесе Пайдаланушының заңды өкілі немесе дербес деректер субъектілерінің құқықтарын қорғау жөніндегі уәкілетті орган өтініш білдірген сәттен бастап тексеру кезеңіне, шынайы емес Дербес деректер немесе заңсыз әрекеттер анықталған жағдайда, тиісті Пайдаланушыға қатысты Дербес деректерді блокқа қою.

 

5. Дербес деректерді алу тәсілдері. Дербес деректерді қорғау

5.1. Біз Дербес деректерді мына тәсілдермен жинаймыз:

- Пайдаланушының өзінен немесе оның уәкілеттілік берген өкілдерінен;

браузер немесе Пайдаланушының құрылғысы арқылы;

- және басқа дереккөздерден, соның ішінде, қоса алғанда, бірақ онымен шектелместен: мысалы, көпшілікке қолжетімді дерекқорлардан; бірлескен маркетингтік және (немесе) қаржылық-шаруашылық қызмет бойынша серіктестерден; бізде немесе сізде олармен шарттық қатынастар бар банктерден, сақтандыру компанияларынан және (немесе) өзге қаржы ұйымдарынан; ұялы байланыс операторларынан; әлеуметтік платформалардан; пайдаланушылардың достарынан немесе әлеуметтік платформалар арқылы онымен байланысы бар өзге тұлғалардан, сондай-ақ өзге үшінші тұлғалардан.

5.2. Біз Пайдаланушылардың Дербес деректерін қорғау үшін барлық қажетті және жеткілікті ұйымдастырушылық, техникалық сақтық шараларын қолданамыз. Дербес деректерді алу рұқсаты талап етілген жұмыс міндеттерін орындауы тиіс ASTANA-MOTORS жұмыскерлері ғана Пайдаланушылар туралы ақпаратқа қол жеткізе алады.

5.3. Пайдаланушының өзі оларға қол жеткізуге мүмкіндік беріп, Дербес деректерді қауіпсіз сақтауға немқұрайлы қараған жағдайда, Пайдаланушы үшінші тұлғалардың оларға қол жеткізе алатынын мойындайды. ASTANA-MOTORS құрылымына кіретін ешбір компания мұндай қолжетімділіктен келген залал және шығын (соның ішінде жіберілген пайда) үшін жауапкершілік көтермейді. Сізге цифрлар мен әріптерден тұратын күрделі құпия сөздерді пайдалануды ұсынамыз.

5.4. Сізден қырағы болуыңызды және Дербес ақпаратыңыздың қауіпсіздігін қамтамасыз ету үшін барлық қажетті шараны қолдануыңызды, соның ішінде интернет арқылы жасалатын алаяқтықтан және «фишингтен»қорғану үшін шара қолдануыңызды сұраймыз.

 

6. Дербес деректерді алу рұқсаты

6.1. Пайдаланушылардың Дербес деректерін алу рұқсаты ASTANA-MOTORS-тан (олардың атынан әрекет ететін жұмыскерлерінен) басқа мына тұлғаларға:

  • «Астана-Моторс« Мотор компаниясы» ЖШС-ның кез келген үлестес жеке және (немесе) заңды тұлғаларына;
  • ASTANA-MOTORS автоорталығы сататын тауарлардың (автокөліктер, қосалқы бөлшектер, аксессуарлар мен өзгесі) өндірушілеріне (және олардың уәкілетті өкілдеріне);
  • Осы Саясаттың 2-бөлімінде көрсетілген мақсатқа қол жеткізу үшін үшінші тұлғаларға берілуі мүмкін. Мұндай үшінші тұлғаларға (соның ішінде, бірақ онымен шектелместен):

ü банктер, сақтандыру компаниялары мен өзге қаржы мекемелері;

ü өздеріне тиесілі сайттарда, бағдарламаларда, өнімдерде немесе сервистерде жарнаманы орналастыруға және көрсетуге байланысты бізге қызмет көрсететін сайттардың және қосымшалардың иелері;

ü жарнама берушілер және (немесе) жарнама таратушылар, байланыс операторлары және ASTANA-MOTORS шарттық қатынастары бар өзге компаниялар;

ü аудиторлар/аудиторлық компаниялар кіруі мүмкін.

6.2. Сонымен бірге Пайдаланушылардың Дербес деректері мыналарға:

  • өздеріне қатысты құқықтар мен міндеттерді беру немесе тиісті келісім бойынша жаңғырту жүргізілген үшінші тұлғаларға;
  • ASTANA-MOTORS Қазақстан Республикасының қолданыстағы заңнамасына сәйкес тиісті сұрату бойынша ақпарат беруге міндетті кез келген қазақстандық және (немесе) халықаралық реттеуші органға, құқық қорғау органдарына, биліктің атқарушы органдарына, басқа ресми және мемлекеттік органдарға немесе соттарға;
  • сіз Дербес ақпаратыңызды беруге келісім білдірген жағдайда не болмаса сізге тиісті тауарды беру, қызмет көрсету, жұмыстарды орындау немесе сізбен жасалған белгілі бір келісімді немесе шартты орындау үшін Дербес ақпаратты беру талап етілетін жағдайда, үшінші тұлғаларға;
  • сіз Пайдаланушы келісімін, осы Саясатты, өзіңізбен жасасқан шарттың талаптарын бұзғанда не болмаса мұндай бұзушылық қаупі туындаған жағдайда, ASTANA-MOTORS-тың немесе үшінші тұлғалардың құқықтарын қорғау мақсатында кез келген үшінші тұлғаға берілуі мүмкін.

 

7. Қорытынды ережелер

7.1. Біз сіздің Дербес ақпаратыңызды ол жиналған мақсатқа жету үшін немесе Қазақстан Республикасының заңнамасының талаптарын сақтау үшін қанша қажет болса, сонша уақыт сақтаймыз.

7.2. Құпиялылық саясаты дербес деректердің және ақпараттық құпиялылығын қамтамасыз ету рәсімдеріне, сондай-ақ үшінші тұлғалардың, соның ішінде бөгде сайттардың қызметін қамтамасыз ететін үшінші тұлғалардың өзге рәсімдеріне қолданылмайды, оларға сілтемелер ASTANA-MOTORS сайттарында қамтылған және біз пайдаланушылардың бөгде сайттардағы ақпаратының құпиялығы үшін жауап бермейміз. ASTANA-MOTORS сайттарында бөгде сайттарға сілтемелердің көрсетілуі мұндай сайттарды біздің мақұлдайтынымызды немесе үлестес тұлғаларымыздың мақұлдайтынын білдірмейді.

7.3. ASTANA-MOTORS Facebook, Apple, Google, Microsoft сияқты басқа компаниялардың және кез келген басқа қосымшаларды әзірлеушілердің, қосымшаларды жеткізушілердің, әлеуметтік желі платформасы қызметін жеткізушілердің, операциялық жүйе жеткізушілерінің, сымсыз байланыс қызметін жеткізушілердің және құрылғыларды дайындаушылардың ақпаратты жинау, пайдалану және ашу саясаты үшін (деректерді қорғауды қамтамасы ету тәртібін қоса алғанда), соның ішінде пайдаланушыларымыздың Қосымшаларды немесе әлеуметтік желілердегі (немесе оларға байланысты) беттерімізді пайдалана отырып, басқа ұйымдарға жария ететін Дербес деректері үшін жауапкершілік көтермейді.

7.4. Сіз http://bavaria.kz/ сайтын және біздің мобильді қолданбамызды пайдалану арқылы веб-сайтты пайдалану тәжірибеңізді жақсарту мақсатында құрылғыңызға cookie файлдарын орнатып, cookie, IP-мекенжайға кіру рұқсатын алып, оны сақтап және веб-сайтты пайдалану туралы деректерді жинаудың басқа да әдістерін пайдалана алатынымызбен келісесіз.

Деректерде веб-сайтты, браузерді пайдалануыңыз және оған кіретін құрылғыңыздың түрі және орналасқан жеріңіз туралы ақпарат қамтылуы мүмкін.

Сіз http://bavaria.kz/ сайтына кіре және оны пайдалана отырып, құрылғыңызға cookie файлдарын орнататынымызбен келісесіз.

7.5. Сіз cookie файлдарын пайдалануға келісіміңізді бергеннен кейін, келесі жолы сайтқа кіргенде келісіміңізді жадқа сақтау үшін cookie файлын компьютеріңізде немесе құрылғыңызда сақтаймыз. Келісіміңіздің белгілі бір мерзімде (және барлық жағдайда 13 айдың ішінде) күші жойылады. Егер кез келген уақытта өз келісіміңізді қайтарып алғыңыз келсе, интернет-браузеріңіздің баптауын пайдаланып, өз cookie файлдарыңызды өшіруіңіз керек.

Cookie файлдарын өшіру немесе блоктау туралы қосымша ақпарат алу үшін мына мекенжайға кіріңіз: http://www.aboutcookies.org/Default.aspx?page=2.

7.6. ASTANA-MOTORS осы Саясатқа өзгерістерді Пайдаланушының келісімінсіз және оған хабарламай енгізуге құқылы. Саясаттың жаңартылған нұсқасымен танысу жауапкершілігін Пайдаланушы өз мойнына алады. Егер Саясаттың жаңа редакциясында өзгеше көзделмесе, Саясатқа енгізілетін өзгертулер оны Сайтта жариялаған сәттен бастап күшіне енеді.

7.7. 14 жастан асқан 18 жасқа толмаған Пайдаланушылар ата-анасымен бірге немесе заңды өкілдерімен бірге осы Құпиялық саясатының шарттарымен танысып, осы шарттарды түсінуі керек. Пайдаланушылардың жасының анықталуы үшін жауапкершілік көтермесек те, біз тиісті тексерулер жүргізе аламыз. Жиналған ақпарат 14 жасқа толмаған тұлғадан ата-анасының келісімінсіз алынғанын білсек, біз мұндай ақпаратты қисынды қысқа мерзімде жоямыз және мұндай тұлғаның тиісті Сайтқа кіруіне тыйым сала аламыз.

7.8. Саясатқа және Пайдаланушы мен ASTANA-MOTORS арасында Саясатты қолдануға байланысты туындайтын қатынастарға Қазақстан Республикасының құқығы қолданылуы тиіс.

7.9. ASTANA-MOTORS Пайдаланушылардың Дербес деректерін жинаған, өңдеген және сақтаған кезде Қазақстан Республикасының «Дербес деректер және оларды қорғау туралы» заңына сүйенеді.

7.10. Осы Саясатқа қатысты барлық сұрақтар, пікірлер және ескертулер бойынша  бізге хабарласуыңызды сұраймыз. Пайдаланушы бізге мыналар жөнінде хабарлауға құқылы:

  • келешекте бізден ақпарат (хабарлама) алғысы келмейтіні туралы;
  • бізде өзі туралы қандай ақпарат бар екенін білгісі келетіні, бізде сақталған Дербес деректердің көшірмесін алғысы келетіні туралы (сұратылған мұндай ақпарат ұсынылған кезде ақпаратты іздеу және өңдеу жұмыстарының ақысын және пошта шығындарын жабу үшін әкімшілік алым алынуы мүмкін);
  • бізде сақталған қандай да бір Дербес деректерін анық, толық, өзекті немесе маңызды емес деп санайтыны туралы;
  • Саясаттың кез келген бұзушылықтары туралы.

Осы Саясатқа байланысты кез келген сұрақпен және шағыммен мына мекенжайға: ҚР, Алматы қ., әл-Фараби даңғ., 107 ( Жароков көш. қиыл), тел.: +7 (727) 333 19 05 , немесе кері байланыс түрібойынша хабарласуыңызды сұраймыз. Біз әр шағым бойынша тергеу жүргізіп, оны алғаннан кейін мүмкіндігінше қысқа мерзімде жауап береміз.